Нашы платні

Наш дотеперіпній доробок то три офіцияльні выданы платні: „Під облачком” в 2004 році, „Зеленым гадвабом” в 2007 і „ПОЗА ГУМЕН” в 2012.

„ГУМЕН” ОДПОВІДАТ СТАРОПОЛЬСКОМУ СЛОВУ „GUMNO

На тій платни выходиме свойом музыком „ПОЗА ГУМЕН”, поза творы, котры днес співаны сут на родинных стрічах, поза популярны лемківскы пісні, котры перетворены были уж соткы разів. Граме нияк незнаны, або мало знаны лемківскій соспільности пісні. Своіма аранжациями выходиме ПОЗА приняты музычны каноны, експериментуючы з ориґінальныма, нереґулярныма ритмами, будучыма наступством нашого походжыня. То, як раз, нестандардовы думкы і інструментарий, або схоснуваня повседневных предметів, жебы і на них грати, зродили проєкт, якій тримате в руках.

„ПОЗА ГУМЕН – поза тото, што так добрі знане, присвоєне і штоденне.”

Награня і выданя платні было зреалізуване завдякы дотациі Міністра Адміністрациі і Цифризациі в рамках задачы пн. „НАГРАНЯ І ВЫДАНЯ ПЛАТНІ ЦД ЛЕМКІВСКОГО ФОЛЬКОВОГО АНСАМБЛЮ СЕРЕНЧА”.

Выданя платні было дофінансуване:

  • Містом Ґорлиці
  • Повітовым Староством в Ґорлицях
  • Ґміном Устя Ґорлицкє

Награня одбыло ся в 2012 році на сали проб Духовой Оркєстры ОПС в Домініковицях

Реалізатор звуку – Рафал Древняни

Ґрафічний проєкт окладинкы – Тадеуш Лучейко

Склад ансамблю:

Єва Лучейко – спів, лыжкы

Івона Корбич — спів, лыжкы

Мирослав Дзюбина — спів, контрабас

Кжыштоф Міка – перкусийны інструменты

Мирослав Боґонь — спів, акордеон, ґітара

Лукаш Райчак – сопілкы, дуда, бірмбаум

Євген Корбич – спів, клярнет, друмля, фляшкы, FLEX-A-TONE

Станіслав Ґурба – гушлі, фляшкы

Зеленым гадвабом” то прогулька по вшелеякых видах внутрішніх одчуть. Найдете ту флірт, несполнену, нещесливу любов (тоту щесливу – тіж!), але і єй другу сторону. Достережете тоніцьку, деликатну як гадвабна нитка границю медже коханьом і ненавистю.

 

„Під облачком” то кольорова оповіст о світі Лемків, іх радостях і старанях, проходячого під стріхом старой хыжы жытя. То незвычайна, таємна істория… Написали сме єй з пасийом, ходячы по незнаных, забытых стежках, якыма днес не ходит уж такой нихто. Тоты доріжкы то стары, схованы в запорошеных співниках, або вытягнены з памяти нашых дідів і родичів, лемківскы пісні. Як раз, одкрываня незнаного і забытого остало начальном ідейом ансамблю од початків його діяльности. Днес, приносиме Вам музыку, котра єст синтезом нашых музычных преференций. Надієме ся, же буде она влияла на Вас так міцно, як і на нас влият. Зато — сядме „під облачком” і заслухайме ся в істориях з лемківского краю…

Чытайте резенцию за www.folkowa.art